खाजगी लक्झरी बस व डंपर ची जोरदार टक्कर १५ ते २० प्रवासी जखमी !
पाचोरा (प्रतिनिधी) -जळगाव रोड वरील वावडधा गावा नजीकच्या वळनावर लक्झरी बस आणि डंपर चा भीषण अपघात घडल्याची घटना आज दिनांक 1 ऑगस्ट गुरुवार रोजी सकाळी 10:30 वाजेच्या सुमारास घडली, पाचोरा – जळगाव प्रवासी ने आन करणारी लक्झरी बस ही पाचोरा येथून प्रवासी भरून जाररगाव चौफुली वरून निघून जळगावच्या दिशेने जात असताना वावळधा गावाजवळील वळणावर जळगाव कडून पाचोरा च्या दिशेने येणाऱ्या डंपर व या बसची जोरदार आमने-सामने धडक झाली, हा अपघात इतका मोठा होता की यात दूरपर्यंत आवाज जाऊन लक्झरी बस एका बाजूने चिरफाडली गेली, यात खाजगी लक्झरी बस चालक वाहक व प्रवासी हे गंभीररित्या जखमी झाले आहेत, लक्झरी बसचे मोठ्या प्रमाणात नुकसान झाले आहे, घटना घडली त्यावेळी वावळधा गावातील गावकऱ्यांनी धाव घेत गंभीर जखमींना तात्काळ जळगाव कडील रुग्णालयाकडे रवाना केले आहे. या घटनेत सुमारे 15 ते 20 प्रवासी गंभीर जखमी झाले असून , सदर खाजगी मिनी लक्झरी बस त्यावरील चालक व मालक हे वडली गावातील असल्याची माहिती सांगण्यात येत आहेत पाचोरा येथील एकाच घारातील वकिलासह तीन जनाचा समावेश हि असल्याचे सांगण्यात आले . तर या भीषण अपघाताने परिसरात खळबळ उडाली होती. जखमींवर जळगाव येथील रुग्णालयात उपचार सुरू आहेत. तर काहींनी पाचोरा येथे येऊन उपचार घेतल्याचे कळते.यावेळी हायवे मृत्युंजय दूत व नागरिकांनी मदत केली.यामुळे मात्र होणारी भिषण जीवित हानी टळली.
