संजय गांधी निराधार योजना अनुदानासाठी जिल्हाधिकारी आयुष प्रसाद यांना दक्षता अध्यक्षा योजना पाटील सह सदस्यांचे साकडे.!
संजय गांधी निराधार योजना अनुदानासाठी जिल्हाधिकारी आयुष प्रसाद यांना दक्षता अध्यक्षा योजना पाटील सह सदस्यांचे साकडे.!
भडगांव- (प्रतिनिधी)-( संजय शेवाळे) : शासनाच्या संजय गांधी निराधार अनुदान योजना अंतर्गत दिले जाणारे अनुदान लाभार्थ्यांना गेल्या चार महिन्यापासून मिळाले नाही. सदर योजनेतील निराधरांवर उपासमारीची वेळ आली आहे. श्रावण बाळ योजना, इंदिरा गांधी वृद्धापकाळ योजना, विधवा, परित्यक्त्या महिला, दिव्यांग आदि योजनेचे लाभार्थी सतत चौकशी करीत आहेत. दिवाळी सणापुर्वी मागील तिन महीने व ऑक्टोबर महिन्यासह चार महिन्याचे अनुदान सुधारित 5 जुलै 2023 च्या जी. आर. नुसार पाचशे रुपये वाढ असे रू. पंधराशे प्रमाणे तात्काळ अदा करावेत. अशी मागणी संजय गांधी निराधार अनुदान योजनेच्या माजी अध्यक्षा तथा महिला दक्षता समिती अध्यक्षा योजना पाटील, उपाध्यक्षा मिना बाग, सदस्या सुशिला पाटील, सदस्या नूतन पाटील आदि महिला प्रतिनिधींनी जिल्हाधिकारी आयुष प्रसाद यांना निवेदनद्वारे केली. दरम्यान भडगांव नायब तहसीलदार रमेश देवकर व राजेंद्र अहिरे यांना दिलेल्या निवेदनाची माहितीही दिली. जिल्हाधिकारी आयुष प्रसाद यांनी लवकरच याबाबत पूर्तता केली जाईल असे समिती अध्यक्षा योजना पाटील, उपाध्यक्षा मिना बाग, सदस्या सुशिला पाटील, सदस्या नूतन पाटील सह आदि सदस्यांना आश्वस्त केले आहे.
