मंगरूळ परिसरात गोतस्करांचा धुमाकूळ : गुरे लंपास तर धुळपिंपरीतूनही गुरांची तस्करी, शेतकऱ्यांत संताप !
मंगरूळ परिसरात गोतस्करांचा धुमाकूळ : गुरे लंपास तर धुळपिंपरीतूनही गुरांची तस्करी, शेतकऱ्यांत संताप !
मंगरूळ (प्रतिनिधी-कैलास पाटील) – मंगरूळ परिसरात गोतस्कर पुन्हा सक्रिय झाले असून काल रात्री दोन वेगवेगळ्या ठिकाणांहून चार गुरे लंपास करण्यात आली आहेत. यामध्ये तीन गाई व एक बैल असा समावेश असून तस्करांनी आर्टिका वाहनातून ही गुरे चोरून नेल्याची माहिती मिळाली आहे.
गुरांची चोरी झालेल्या ठिकाणी गावाबाहेरील शिवार असून, एका घटनेत हेमराज गंजीधर पाटील यांची तर दुसऱ्या घटनेत समाधान माणिक पाटील यांची गुरे लंपास झाल्याचे समजते. त्यामुळे परिसरात मोठ्या प्रमाणावर चिंतेचे वातावरण निर्माण झाले आहे.
यापूर्वी धुळपिंपरी परिसरातूनही गोतस्करी झाल्याचे समोर आले होते. तेथील सुरेश साहेबराव पाटील व सोमा साहेबराव पाटील यांची गुरे तस्करांनी लंपास केल्याचे सांगितले जाते.
पशु धन व गोतस्करांचा वाढता धुमाकूळ लक्षात घेता तातडीने कारवाई करून तस्कर चोरट्यांना आवर घालावा, अशी मागणी नागरिकांकडून प्रशासनाकडे जोर धरत आहे. अद्याप पोलिसात गुन्हा दाखल नाही . कुठे गुरे दिसल्यास पारोळा पोलीस स्टेशन किंवा न्यूज झेप इंडिया शी संपर्क करावा .
