आसनखेडा ग्रा.पं.ला आयएसओ मानांकन !
पाचोरा : तालुक्यातील आसनखेडा ग्रामपंचायतीस नुकतेच आय.एस.ओ. ९००:२०१५ हे मानांकन प्राप्त झाले. नुकतेच आयएसओ मानांकन प्रदान करणाऱ्या संस्थेने ग्रामपंचायतीस भेट देऊन आय.एस.ओ. निकषानुसार पडताळणी करून सर्व निकष पूर्ण केल्याने ग्रामपंचायतीस आय.एस. ओ. मानांकन दिले. आय.एस.ओ. मानांकन प्राप्त होणेकामी ग्रामपंचायतीचे सर्व आजी माजी पदाधिकारी, सर्व ग्रामपंचायत कर्मचारी, सर्व ग्रामस्थ ग्रामपंचायत अधिकारी यांचे मोलाचे सहकार्य लाभले, असे सरपंच उषाबाई रवींद्र पाटील यांनी सांगितले. ‘जिल्हा परिषदेचचया मुख्य कार्यकारी अधिकारी मीनल करनवाल यांच्या संकल्पनेतून व उपमुख्य कार्यकारी अधिकारी अकलाडे, गटविकास अधिकारी के. बी. अंजने यांच्या मार्गदर्शनाखाली व सर्व ग्रामपंचायत पदाधिकारी, कर्मचारी व ग्रामस्थांच्या सहकार्यामुळे हे यश प्राप्त झाले आहे. या कामासाठी विस्तार अधिकारी ए. जे. पाटील, आर.एस. धस, दीपक शिंदे यांच्या मार्गदर्शनाबरोबरच तुळसे एंटरप्रायजेसचे जोशी यांचे तांत्रिक मार्गदर्शन लाभले,’ असे ग्रामपंचायत अधिकारी नंदकिशोर जगन्नाथ पाटील यांनी सांगितले.
