डोंगरगाव येथील विवाहितेची दुसऱ्यांदा मोफत प्रसूती वृंदावन मल्टीस्पेशालिटी हॉस्पिटलमध्ये होणार मोफत !
पाचोरा, दि. 29 नोव्हेंबर 2023: तालुक्यातील डोंगरगाव येथील विवाहितेची वृंदावन मल्टीस्पेशालिटी हॉस्पिटलमध्ये दुसऱ्यांदा मोफत प्रसूती होणार आहे. याबद्दल या मुलीच्या आईने डॉ. नीलकंठ पाटील यांचे ऋण व्यक्त केले आहेत.
बायजाबाई कोळी यांची कथा व्यथा !
पाचोरा येथील वृंदावन मल्टीस्पेशालिटी हॉस्पिटलमध्ये फेरफटका मारला असता तालुक्यातील डोंगरगाव येथील महिला बायजाबाई भावलाल कोळी ह्या तिच्या विवाहित मुलीस सोनोग्राफी करण्यासाठी आत्या होत्या. त्यावेळी त्यांनी हॉस्पिटलचे संचालक डॉ. नीलकंठ पाटील यांची भेट घेतली. व मागील घटना कथन करीत सांगितले
बायजाबाई कोळी यांनी डॉ. नीलकंठ पाटील यांना आठवण करून देत सांगितले की, माझे पती हे हमाल होते व हमाली कामासाठी क्रूझरने डोंगरगावहून मनमाडकडे जात असताना हिरापूरजवळ रात्री झालेल्या अपघातात पती भावलाल कोळी यांचे दीड वर्षांपूर्वी निधन झाले होते.
त्यावेळी डॉ. नीलकंठ पाटील यांना या घटनेची माहिती मिळाल्याने त्यांनी डोंगरगाव येथे घरी जाऊन कुटुंबाचे सांत्वन केले होते. त्यावेळी डॉ. पाटील यांनी काही मदत हवी बिनधास्त सांगावे म्हणून सांगितले; तेव्हा बायजाबाई कोळी यांनी आपल्या मुलीची प्रसूती मोफत करण्याची विनंती केली होती.
त्यावेळी डॉ. नीलकंठ पाटील यांनी कुठलाही गाजावाजा न करता महिलेला दिलेला शब्द व आपले कर्तव्य पार पाडले. आता पुन्हा तीच मुलगी सातवा महिना असल्याने माहेरी आली आहे. महिलेच्या घरातील परिस्थिती गरिबीची असल्याने हॉस्पिटलचा खर्च आणायचा कुठून? तेव्हा गावातील सरपंच व काही ज्येष्ठ मंडळीने या महिलेला डॉ. पाटील यांना भेटून बघा व त्यांना परिस्थितीची जाणीव करून द्या, असे सांगितल्याने बायजाबाई कोळी यांनी डॉ. पाटील यांची भेट घेऊन माहेरी प्रसूतीसाठी आलेल्या मुलीच्या खर्चाबाबत सांगितले असता डॉ. पाटील पुन्हा शब्द दिला की, “याही वेळेस तुमच्या मुलीची मोफत प्रसूती करणार, कुठलाही मोबदला न घेता,” असे सांगितले.
हा शब्द ऐकून बायजाबाई कोळी यांचे डोळे भरून आले व त्यांनी डॉ. पाटील हे आम्हा गरिबांसाठी डॉ. रूपात देवच असल्याचे सांगत ऋण व्यक्त केले आहे.
डॉ. नीलकंठ पाटील यांचे मत
डॉ. नीलकंठ पाटील यांनी या मुलीची दुसऱ्यांदा मोफत प्रसूती करणार असल्याचे ‘तरुण भारत’ला सांगितले. त्यांनी सांगितले की, “गरिब कुटुंबातील महिलांना वैद्यकीय सुविधा उपलब्ध करून देणे हे माझे कर्तव्य आहे. मी माझ्या परीने मदत करण्यासाठी नेहमीच तत्पर असतो.”
निष्कर्ष
डॉ. नीलकंठ पाटील यांनी दाखवलेल्या मानवतेची ही एक उदाहरणे आहे. गरिब कुटुंबातील महिलांना मदत करण्यासाठी त्यांनी पुढाकार घेतला आहे. त्यांचे हे कृत्य समाजासाठी प्रेरणादायी आहे.
